തിരുവനന്തപുരം: കാർ ഡ്രൈവിംഗ് ലൈസൻസിനുള്ള റോഡ് ടെസ്റ്റിന് ഒന്നിലധികം പേരെ വാഹനത്തിൽ പ്രവേശിപ്പിക്കാൻ ട്രാൻസ്‌പോർട്ട് കമ്മിഷണർ അനുമതി നൽകി.
പുരുഷ ഇൻസ്‌പെക്ടർമാർക്കൊപ്പം ഡ്രൈവിംഗ് ടെസ്റ്റിൽ പങ്കെടുത്ത വനിതകൾ ലൈംഗിക പീഡനത്തിന് ഇരയായതായി പരാതി ഉയർന്നിരുന്നു. ഈ പശ്ചാത്തലത്തിലാണ് നിയന്ത്രണം നീക്കിയത്.
കൊവിഡ് ലോക്ഡൗണിന് ശേഷം ഡ്രൈവിംഗ് ടെസ്റ്റ് പുനരാരംഭിച്ചപ്പോൾ റോഡ് ടെസ്റ്റിന് ഒരാളെ മാത്രമാണ് അനുവദിച്ചിരുന്നത്.
ഡ്രൈവിംഗ് ടെസ്റ്റിന് ഒന്നിലധികം പേരെ വാഹനത്തിൽ പ്രവേശിപ്പിക്കണമെന്ന് വെഹിക്കിൾ ഇൻസ്‌പെക്ടേഴ്‌സ് അസോസിയേഷനും ആവശ്യപ്പെട്ടിരുന്നു.
