തിരുവനന്തപുരം: കേരളത്തിന് അനുവദിച്ച ആദ്യ വന്ദേഭാരത് എക്സ്പ്രസ് പ്രധാനമന്ത്രി നരേന്ദ്രമോദി ഫ്ളാഗ് ഓഫ് ചെയ്തു.11 ജില്ലകളിലൂടെ സര്വീസ് നടത്തുന്ന കേരളത്തിലെ ആദ്യത്തെ വന്ദേഭാരത് എക്സ്പ്രസിന് തമ്ബാനൂര് റെയില്വേ സ്റ്റേഷനിലാണ് പ്രധാനമന്ത്രി ഫ്ളാഗ് ഓഫ് ചെയ്തത്.
വന്ദേഭാരതിന്റെ സി1 കോച്ചില് കയറി പ്രധാനമന്ത്രി, സി2 കോച്ചിലെത്തി വിദ്യാര്ഥികളുമായി ആശയവിനിമയം നടത്തി. വിദ്യാര്ഥികള് പ്രധാനമന്ത്രിക്ക് വിവിധ ഉപഹാരങ്ങള് നല്കി. പ്രധാനമന്ത്രിക്കൊപ്പം ഗവര്ണര് ആരിഫ് മുഹമ്മദ് ഖാന്, മുഖ്യമന്ത്രി പിണറായി വിജയന്, തിരുവനന്തപുരം എം.പി. ശശി തരൂര് എന്നിവരും ഉണ്ടായിരുന്നു. മുണ്ടും ഷര്ട്ടുമായിരുന്നു പ്രധാനമന്ത്രിയുടെ വേഷം.
കൊച്ചിയില് നിന്ന് തിരുവനന്തപുരം വ്യോമസേനയുടെ ടെക്നിക്കള് ഏരിയയില് വിമാനമിറങ്ങിയ പ്രധാനമന്ത്രിയെ ഗവര്ണര് ആരിഫ് മുഹമ്മദ് ഖാന് മുഖ്യമന്ത്രി പിണറായി വിജയന് എന്നിവര് ചേര്ന്ന് സ്വീകരിച്ചു.
