തിരുവനന്തപുരം : മുഖ്യമന്ത്രിയുടെ ദുരിതാശ്വാസ നിധിയില് നിന്നും വ്യാജരേകളുണ്ടാക്കി തട്ടിപ്പ് നടത്തുന്നതായി വിജിലന്സ്.
ഏജന്റുമാര് മുഖേനെയാണ് വ്യാജ രേഖകള് ഹാജരാക്കി പണം തട്ടുന്നത്. ഇതിന് കളക്ടറേറ്റിലെ ഉദ്യോഗസ്ഥരും കൂട്ടുനില്ക്കുന്നതായാണ് വിജിലന്സ് കണ്ടെത്തല്. അന്വേഷണത്തിന്റെ ഭാഗമായി ഓപ്പറേഷന് സിഎംആര്ഡിഎഫ് എന്ന പേരില് സംസ്ഥാന വ്യാപകമായി കളക്ടറേറ്റുകളില് വിജിലന്സ് മിന്നല് പരിശോധന നടത്തുകയാണ്.
ദുരിതാശ്വാസ നിധിയില് നിന്നും സഹായം ലഭിക്കുന്നതിനായി കളക്ടറേറ്റുകള് വഴിയാണ് അപേക്ഷ സമര്പ്പിക്കേണ്ടത്. സഹായം ആവശ്യപ്പെട്ട് നിരവധി അപേക്ഷകളാണ് സംസ്ഥാന വ്യാപകമായി ഓരോ കളക്ടറേറ്റുകളിലും ലഭിക്കാറുള്ളത്. ഈ അപേക്ഷകള് ഉദ്യോഗസ്ഥര് പരിശോധിച്ച് അര്ഹരെ കണ്ടെത്തിയ ശേഷം സെക്രട്ടറിയേറ്റിലേക്ക് അയക്കും. തുടര്ന്ന് പണം അക്കൌണ്ടിലേക്ക് വരും. കാലങ്ങളായി തുടരുന്ന ഈ രീതിയിലാണ് അഴിമതി കണ്ടെത്തിയത്.
സിഎംആര്ഡിഎഫ് കൈകാര്യം ചെയ്യുന്ന കളക്ടറേറ്റിലെ ഉദ്യേഗസ്ഥര്, ഏജന്റുമാരുമായി ചേര്ന്ന് പണം വാങ്ങി വ്യാജ വരുമാന സര്ട്ടിഫിക്കറ്റുകളടക്കം നല്കി പണം തട്ടുന്നുവെന്നാണ് വിജിലന്സ് കണ്ടെത്തല്. അനര്ഹരായ ആളുകളുടെ പേരില് അപേക്ഷ സമര്പ്പിക്കുന്നതാണ് തട്ടിപ്പ് രീതി. വ്യാജ രേഖകളാകും ന ഫോണ് നമ്ബറുകളും ബാങ്ക് അക്കൌണ്ട് രേഖകളും ഏജന്റുകളുടേതാകും. പണം ലഭിച്ച ശേഷം ഒരു വിഹിതം തട്ടിപ്പിന് കൂട്ടുനിന്ന ഉദ്യോഗസ്ഥര്ക്കും അപേക്ഷ സമര്പ്പിച്ച വ്യക്തിക്കും നല്കും. ഈ രീതിയിലാണ് കാലങ്ങളായി തട്ടിപ്പ് നടക്കുന്നതെന്നാണ് വിജിലന്സ് കണ്ടെത്തിയത്.