യു എ ഇയിൽ 27വർഷത്തെ റെക്കോർഡ് മഴയും മിന്നല്‍ പ്രളയവും,ആറു പ്രവാസികള്‍ മരിച്ചതായി റിപ്പോർട്ട്, പല റോഡുകളും അടച്ചു.ഏഷ്യക്കാരനായ ഒരാളെ കാണാതായിട്ടുമുണ്ട്. റാസൽഖൈമ, ഷാർജ, ഫുജൈറ എന്നിവിടങ്ങളിലായാണ് മൃതദേഹങ്ങൾ കണ്ടെടുത്തത്. അപകടത്തിൽ പെട്ടവരുടെ പേരുവിവരങ്ങൾ പുറത്തുവിട്ടിട്ടില്ല.
ദുരന്ത ബാധിത മേഖലകളിൽ രക്ഷാപ്രവർത്തനം തുടരുകയാണ്. വെള്ളിയാഴ്ച തെളിഞ്ഞ കാലാവസ്ഥയായതിനാൽ രക്ഷാപ്രവർത്തനവും ശുചീകരണവും സജീവമായിരുന്നു. വീടുകളും മറ്റും അപകടത്തിലായ മിക്കവരെയും സുരക്ഷിത സ്ഥാനങ്ങളിലേക്ക് മാറ്റിയിട്ടുണ്ടെന്ന് ആഭ്യന്തര മന്ത്രാലയം വക്താവ് അറിയിച്ചു
