ന്യൂഡെല്‍ഹി: () പിഎം കിസാന്‍ സമ്മാന്‍ നിധി യോജന (PM kisan Yojana) പ്രകാരം കേന്ദ്ര സര്‍കാര്‍ കര്‍ഷകര്‍ക്ക് വര്‍ഷത്തില്‍ മൂന്ന് തവണ ധനസഹായം നല്‍കുന്നു.
മൂന്ന് ഗഡുക്കളായി 6000 രൂപയാണ് ലഭിക്കുക. ഇതുവരെ ഈ പദ്ധതിയുടെ 11 ഗഡുക്കള്‍ അനുവദിച്ചിട്ടുണ്ട്. നിങ്ങള്‍ ഈ സ്കീമിന്റെ ഗുണഭോക്താവാണെങ്കില്‍, അടുത്ത ഗഡു പ്രയോജനപ്പെടുത്താന്‍, 2022 ജൂലൈ 31-ന് മുമ്ബ് നിങ്ങളുടെ ഇ-കെവൈസി പൂര്‍ത്തിയാക്കിയിരിക്കണം. അല്ലെങ്കില്‍ നിങ്ങളുടെ പണം തടസപ്പെട്ടേക്കാം. ഇതിനെക്കുറിച്ചുള്ള വിശദമായ വിവരങ്ങള്‍ പിഎം കിസാന്‍ പോര്‍ടലില്‍ (pmkisan(dot)gov(do)in) നല്‍കിയിട്ടുണ്ട്.
അടുത്ത തന്നെ 12-ാം ഗഡു സര്‍കാര്‍ അനുവദിക്കുമെന്നാണ് അറിയുന്നത്. പിഎം കിസാന്‍ യോജനയുടെ ഗുണഭോക്താക്കളായ എല്ലാ കര്‍ഷകര്‍ക്കും ഇ-കെവൈസി നിര്‍ബന്ധമാണ്. അല്ലെങ്കില്‍ അവരുടെ അകൗണ്ടില്‍ പണം വരില്ല. ഗുണഭോക്താക്കളുടെ പട്ടികയില്‍ പേരുണ്ടോയെന്നും എങ്ങനെ ഇ-കെവൈസി പൂര്‍ത്തിയാക്കാമെന്നും അറിയാം.
പദ്ധതിയുടെ ഗുണഭോക്താക്കളുടെ പട്ടിക എങ്ങനെ പരിശോധിക്കാം
ഘട്ടം 1:
ഔദ്യോഗിക വെബ്സൈറ്റായ https://pmkisan(dot)gov(dot)in സന്ദര്‍ശിക്കുക.
ഘട്ടം 2:
'former corner' ല്‍ പോയി ഇവിടെ നല്‍കിയിരിക്കുന്ന 'beneficiary status' എന്ന ഓപ്ഷനില്‍ ക്ലിക് ചെയ്യുക..
ഘട്ടം 3:
നിങ്ങളുടെ സംസ്ഥാനം, ജില്ല, ഉപജില്ല, ബ്ലോക്, വിലേജ് എന്നിങ്ങനെയുള്ള വിവരങ്ങള്‍ നല്‍കുക.
ഘട്ടം 4:
'Get Report' എന്ന ഓപ്ഷനില്‍ ക്ലിക് ചെയ്യുക. ഇതിനുശേഷം നിങ്ങളുടെ മുന്നിലുള്ള സ്ക്രീനില്‍ ഒരു ലിസ്റ്റ് തുറക്കും. നിങ്ങളുടെ പേര് ഉള്‍പെട്ടിട്ടുണ്ടോയെന്ന് ഇതില്‍ നിന്നറിയാം.
ഇ-കെവൈസി പൂര്‍ത്തിയാക്കുന്നതിനായി ചെയ്യേണ്ടത്
ഘട്ടം 1:
ഔദ്യോഗിക വെബ്സൈറ്റായ https://pmkisan(dot)gov(dot)in സന്ദര്‍ശിക്കുക.
ഘട്ടം 2:
വെബ്‌സൈറ്റില്‍ 'e-KYC' എന്ന ഓപ്ഷനില്‍ ക്ലിക് ചെയ്യുക. തുടര്‍ന്ന് ആധാര്‍ കാര്‍ഡ് നമ്ബറും ക്യാപ്‌ച കോഡും നല്‍കുക. അതിനു ശേഷം സെര്‍ച് ഓപ്ഷനില്‍ ക്ലിക് ചെയ്യുക.
ഘട്ടം 3
തുടര്‍ന്ന് നിങ്ങളുടെ രജിസ്റ്റര്‍ ചെയ്ത മൊബൈല്‍ ഫോണ്‍ നമ്ബര്‍ നല്‍കി അതില്‍ ലഭിച്ച OTP പൂരിപ്പിക്കുക. ഇത് ചെയ്യുന്നതിലൂടെ നിങ്ങളുടെ ഇ-കെവൈസി പൂര്‍ത്തിയാകും.
