കൊച്ചി: കേരള ബ്ലാസ്റ്റേഴ്സ് ഡിസംബര് 26ന് നടക്കുന്ന ഹോം മത്സരത്തിനുള്ള പ്രത്യേക ടിക്കറ്റ് നിരക്കുകള് പ്രഖ്യാപിച്ചു.
ഒഡിഷ എഫ്.സിക്കെതിരെ നടക്കുന്ന മത്സരത്തിന് എല്ലാ സ്റ്റാന്ഡുകള്ക്കും 250 രൂപ മാത്രമായിരിക്കും ടിക്കറ്റ് നിരക്ക്.
ആരാധകര്ക്ക് ക്രിസ്മസ് സമ്മാനമായാണ് ഈ പരിമിതകാല ഓഫര് പ്രഖ്യാപിക്കുന്നതെന്ന് കേരള ബ്ലാസ്റ്റേഴ്സ് എഫ്.സി വാര്ത്തക്കുറിപ്പില് അറിയിച്ചു. നിലവില് 299, 399, 499, 899 എന്നീ നിരക്കുകളില് വില്ക്കുന്ന ടിക്കറ്റുകളാണ് പ്രത്യേക ഇളവില് 250 രൂപക്ക് നല്കുന്നത്. വി.ഐ.പി, വി.വി.ഐ.പി ഹോസ്പിറ്റാലിറ്റി ടിക്കറ്റുകള്ക്ക് ഇളവ് ബാധകമായിരിക്കില്ല.