കോഴിക്കോട്: നരിക്കുനിയിൽ ബസിൽ നിന്ന് തെറിച്ചു വീണ യാത്രക്കാരി ബസിന് അടിയിൽപ്പെട്ട് മരിച്ചു. നരിക്കുനി ഒടുപാറയിൽ വാടകക്ക് താമസിക്കുന്ന കൊയിലാണ്ടി സ്വദേശി ഉഷ (52) ആണ് മരിച്ചത്.ഇന്ന് രാവിലെ 7 മണിയോടെ നരിക്കുനി എളേറ്റിൽ റോഡിൽ നെല്ലിയേരി താഴെത്തായിരുന്നു അപകടം. ബസിന്റെ വാതിൽ അടക്കാതിരുന്നതാണ് അപകടത്തിന് കാരണം.റോഡിലേക്ക് വീണ ഉഷയുടെ ദേഹത്തൂടെ ബസിന്റെ പിന്ചക്രം കയറിയിറങ്ങുകയായിരുന്നു. ഗുരുതരമായി പരിക്കേറ്റ ഉഷയെ കോഴിക്കോട് മെഡിക്കല് കോളേജില് എത്തിച്ചെങ്കിലും മരണം സംഭവിക്കുകയായിരുന്നു.