Type Here to Get Search Results !

10,000 രൂപയിൽ കൂടുതൽ വിലയുള്ള 3ജി, 4ജി സ്മാർട്ട്ഫോണുകളുടെ ഉത്പാദനം നിർത്തും; ഉടനെ 5ജി സാങ്കേതികവിദ്യയിലേക്ക് മാറാൻ കേന്ദ്രനിർദേശം

ന്യൂഡൽഹി: 10,000 രൂപയിൽ കൂടുതൽ വിലയുള്ള 3ജി, 4ജി സ്മാർട്ട്‌ഫോണുകളുടെ ഉത്പാദനം നിർത്തി ക്രമേണ 5ജി സാങ്കേതികവിദ്യയിലേക്ക് മാറാൻ കേന്ദ്രനിർദേശം. ടെലികമ്മ്യൂണിക്കേഷൻസ് വകുപ്പിലെയും ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിലെയും ഉന്നത ഉദ്യോഗസ്ഥരാണ് മൊബൈൽ നിർമ്മാതാക്കൾക്ക് നിർദേശം നൽകിയത്. മൂന്ന് മാസത്തിനുള്ളിൽ 5ജി സേവനങ്ങളിലേക്ക് മാറാനാണ് നിർദേശിച്ചിരിക്കുന്നത്.



ഇന്ത്യയിലെ 750 ദശലക്ഷം മൊബൈൽ വരിക്കാരിൽ 350 ദശലക്ഷത്തിലധികം ഉപഭോക്താക്കൾ 3ജി അല്ലെങ്കിൽ 4ജി ഫോണുകൾ ഉപയോഗിക്കുന്നവരാണ്. രാജ്യത്ത് 100 ദശലക്ഷത്തിലധികം വരിക്കാർക്ക് 5ജി ഫോണുകളുണ്ടെന്നാണ് റിപ്പോർട്ട്. എയർടെൽ പുറത്തുവിട്ട പട്ടിക പ്രകാരം ഷവോമി, വിവോ, ഓപ്പോ എന്നിവർ 5ജി അവതരിപ്പിക്കാൻ തയ്യറാണ്. ആപ്പിൾ, നത്തിങ് (1), ഗൂഗിൾ, മോട്ടറോള, വൺപ്ലസ്, സാംസങ്ങ് എന്നീ ബ്രാൻഡുകളുടെ 5ജി സപ്പോർട്ടുള്ള വേർഷനുകൾ അവതരിപ്പിച്ച് തുടങ്ങി. കൂടാതെ ഷവോമി, റെഡ്മീ, പൊക്കൊ, റിയൽമീ,ഒപ്പോ, വിവോ, ഇൻഫിനിക്‌സ്, തുടങ്ങിയ ബ്രാൻഡുകളിലെല്ലാം 5ജി റെഡി സോഫ്റ്റ്വെയർ ഇൻസ്റ്റാൾ ചെയ്തതായി കമ്പനികൾ വ്യക്തമാക്കി.


എയർടെല്ലും ജിയോയും തിരഞ്ഞെടുത്ത നഗരങ്ങളിൽ 5ജി സേവനങ്ങൾ നൽകുന്നുണ്ട്. ജിയോ 5ജി 4 നഗരങ്ങളിലും എയർടെൽ 5ജി പ്ലസ് 8 നഗരങ്ങളിലും ലഭ്യമാക്കുന്നുണ്ട്. മറ്റ് നഗരങ്ങളിലേക്കും വൈകാതെ സേവനമെത്തിക്കുമെന്നാണ് ടെലികോം ഓപ്പറേറ്റർമാർ നൽകുന്ന വിശദീകരണം.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad