തിരുവനന്തപുരം: കേന്ദ്ര സര്ക്കാര് നിരോധനം ഏര്പ്പെടുത്തിയ പിഎഫ്ഐ പിരിച്ചുവിട്ടതായി പ്രസ്താവനയിറക്കി പോപ്പുലര് ഫ്രണ്ട് ഓഫ് ഇന്ത്യ കേരള ഘടകം.
മഹത്തായ രാജ്യത്തിന്റെ നിയമം അനുസരിക്കുന്ന പൗരന്മാര് എന്ന നിലയില്, സംഘടന ആഭ്യന്തര മന്ത്രാലയത്തിന്റെ തീരുമാനം അംഗീകരിക്കുന്നുവെന്നാണ് പിഎഫ്ഐ സംസ്ഥാന ജനറല് സെക്രട്ടറി എ അബ്ദുല് സത്താറിന്റെ പ്രസ്താവനയില് പറയുന്നത്.
നിയമവിരുദ്ധമെന്ന വിജ്ഞാപനം പ്രസിദ്ധീകരിച്ചത് മുതല് പോപ്പുലര് ഫ്രണ്ട് ഓഫ് ഇന്ത്യയുടെ പ്രവര്ത്തനങ്ങള് നിര്ത്താന് എല്ലാ മുന് അംഗങ്ങളോടും അഭ്യര്ത്ഥിക്കുന്നു പ്രസ്താവനയില് വ്യക്തമാക്കുന്നുണ്ട്. അതേസമയം, ഐഎസ് പോലുള്ള ആഗോള തീവ്രവാദ സംഘടനകളുമായി ബന്ധമുണ്ടെന്ന് വ്യക്തമാക്കിയാണ് പോപ്പുലര് ഫ്രണ്ടിന് കേന്ദ്രം നിരോധനം ഏര്പ്പെടുത്തിയത്. രാജ്യവ്യാപക റെയ്ഡിനും അറസ്റ്റിനും പിന്നാലെ പോപ്പുലര് ഫ്രണ്ടിനെ നിരോധിക്കുമെന്നുള്ള ഏകദേശ വിവരങ്ങള് നേരത്തെ തന്നെ പുറത്ത് വന്നിരുന്നു.
ഒപ്പം ചില സംസ്ഥാനങ്ങള് നിരോധന ആവശ്യം ഉന്നയിച്ചതും നിര്ണായകമായി. നിരോധിക്കാനുള്ള കാരണങ്ങള് എണ്ണിയെണ്ണി പറഞ്ഞുകൊണ്ടാണ് ആഭ്യന്തര മന്ത്രാലയം ഉത്തരവ് പുറത്തിറക്കിയിട്ടുള്ളത്. പോപ്പുലര് ഫ്രണ്ടിനൊപ്പം റിഹാബ് ഇന്ത്യ ഫൗണ്ടേഷന്, ക്യാമ്ബസ് ഫ്രണ്ട് ഓഫ് ഇന്ത്യ, ഓള് ഇന്ത്യ ഇമാംസ് കൗണ്സില്, നാഷണല് കോണ്ഫഡറേഷന് ഓഫ് ഹ്യൂമന് റൈറ്റ്സ് ഓര്ഗനൈസേഷന്, നാഷണല് വിമന്സ് ഫ്രണ്ട്, ജൂനിയര് ഫ്രണ്ട്, എംപവര് ഇന്ത്യ ഫൗണ്ടേഷന്, റിഹാബ് ഫൗണ്ടേഷന് കേരള എന്നീ അനുബന്ധ സംഘടനകള്ക്കാണ് നിരോധനം ഏര്പ്പെടുത്തിയിട്ടുള്ളത്.
അന്വേഷണത്തില് ഈ സംഘടനകള്ക്ക് പോപ്പുലര് ഫ്രണ്ടുമായി വ്യക്തമായ ബന്ധമുണ്ടെന്ന് തെളിഞ്ഞതിന്റെ അടിസ്ഥാനത്തിലാണ് നടപടി. റിഹാബ് ഇന്ത്യ ഫൗണ്ടേഷന് ഫണ്ടുകള് ശേഖരിക്കുന്നത് പിഎഫ്ഐ അംഗങ്ങള് വഴിയാണ്. ഒപ്പം മറ്റ് സംഘനടകളില് പിഎഫ്ഐ പ്രവര്ത്തകരുടെ സാന്നിധ്യവുമുണ്ട്. നാഷണല് വിമന്സ് ഫ്രണ്ടിനെ പിഎഫ്ഐ നേതാക്കളാണ് നിരീക്ഷിക്കുകയും ഏകോപിപ്പിക്കുകയും ചെയ്യുന്നതെന്നും ഉത്തരവില് പറയുന്നു.
യുവജനങ്ങള്, വിദ്യാര്ത്ഥികള്, സ്ത്രീകള്, ഇമാമുമാര്, അഭിഭാഷകര് അല്ലെങ്കില് സമൂഹത്തിലെ ദുര്ബല വിഭാഗങ്ങള് എന്നിങ്ങനെ സമൂഹത്തിലെ വിവിധ വിഭാഗങ്ങള്ക്കിടയില് അംഗത്വം വിപുലീകരിക്കുക എന്ന ലക്ഷ്യത്തോടെയാണ് പോപ്പുലര് ഫ്രണ്ട് അനുബന്ധ സംഘടനകള് രൂപീകരിച്ചത്. പോപ്പുലര് ഫ്രണ്ടും അതിന്റെ അനുബന്ധ സംഘടനകളും സാമൂഹിക-സാമ്ബത്തിക-വിദ്യാഭ്യാസ-രാഷ്ട്രീയ സംഘടന എന്ന നിലയിലുള്ള പരസ്യ പ്രവര്ത്തനങ്ങളാണ് നടത്തുന്നത്. എന്നാല്, രാജ്യത്തിന്റെ ഭരണഘടനാ വ്യവസ്ഥയെയും ജനാധിപത്യ സങ്കല്പ്പത്തെയും തകര്ക്കുന്ന തരത്തില് സമൂഹത്തിലെ ഒരു പ്രത്യേക വിഭാഗത്തെ തീവ്രവാദികളാക്കാനുള്ള രഹസ്യ അജണ്ടയാണ് പോപ്പുലര് ഫ്രണ്ടിന് ഉള്ളതെന്ന് ഉത്തരവില് ആഭ്യന്ത്ര മന്ത്രാലയം വ്യക്തമാക്കിയിട്ടുണ്ട്.