കോഴിക്കോട് വടകരയില് പോലീസ് കസ്റ്റഡിയില് യുവാവ് മരിച്ച സംഭവത്തില് മൂന്ന് പോലീസുകാര്ക്ക് സസ്പെന്ഷന്. എസ് ഐ. നിജേഷ്, എ എസ് ഐ. അരുണ് സി പി ഒ. ഗിരീഷ് എന്നിവരെയാണ് അന്വേഷണ വിധേയമായി സസ്പെന്ഡ് ചെയ്തത്.
വാഹനാപകട കേസില് വടകര പോലീസ് കസ്റ്റഡിയിലെടുത്ത കല്ലേരി സ്വദേശി സജീവന് (45) ആണ് മരിച്ചത്. സജീവന്റേത് ലോക്കപ്പ് മര്ദനമാണെന്ന് ആരോപിച്ച് ബന്ധുക്കള് രംഗത്തെത്തിയിരുന്നു. സജീവന്റെ വാഹനം മറ്റൊരു വാഹനത്തിന്റെ പിന്നില് ഇടിച്ചതുമായി ബന്ധപ്പെട്ട തര്ക്കത്തെ തുടര്ന്ന് ഇന്നലെ രാത്രിയാണ് കസ്റ്റഡിയിലെടുത്തത്. പോലീസ് ചോദ്യം ചെയ്ത് വിട്ടയച്ച ശേഷം ഇയാള് വടകര സ്റ്റേഷന് വളപ്പില് കുഴഞ്ഞുവീഴുകയായിരുന്നു. നാട്ടുകാരാണ് സജീവനെ ആശുപത്രിയിലെത്തിച്ചത്. അപ്പോഴേക്കും മരണം സംഭവിച്ചിരുന്നു.
സജീവനെ കസ്റ്റഡിയിലെടുത്ത ഉടന് തന്നെ വിട്ടയച്ചെന്നാണ് പോലീസ് പ്രതികരിച്ചത്. എന്നാല് പോലീസ് കസ്റ്റഡിയിലെടുത്തയുടന് തനിക്ക് നെഞ്ചുവേദനയെടുക്കുന്നുവെന്ന് സജീവന് തന്നെ പോലീസിനോട് പല പ്രാവശ്യം പറഞ്ഞിരുന്നുവെന്ന് ഒപ്പമുണ്ടായിരുന്നവര് പറയുന്നു.